Ved å fylle ut dette skjemaet signèrer du kampanjen "Folkeaksjonen for Volda Sjukehus".
1. Vi vil ha fram alle moment og konsekvensar eit negativt vedtak vil få.
2. Folkevilja i distriktet i denne saka må synleggjerast betre.
3. At styret i Helse Sunnmøre tar til fornuft og lar Sjukehuset i Volda oppretthalde dagens akutt-medisinske tilbod for befolkninga.
- Framtida er trygga (NRK Møre og Romsdal)
Helse Sunnmøre HF strategi 2015- Føde- og akuttmottak redda - foreløpig (NRK Trøndelag)
- Klassekampen - budsjetteringsmodell
- Føden skal vurderes (Sunnmørsposten)
- Kampen for lokalsykehusene (fellesside)
Faglege og økonomiske argument
- Det er nettopp akutt-tilbodet ved sjukehuset som det er viktigast å ha nær der folk bur.
- Fullt akutt-tilbod ved Volda sjukehus gjev reell tryggleik for folket på Søre Sunnmøre.
- Dersom Volda sjukehus skal vere eit fullgodt lokalsjukehus må det ha akuttilbod i indremedisin, kirurgi og gyn/føde. Mange pasientar som vert innlagd, har uavklarte tilstandar der det er eit hovudpoeng med sjukehusopphaldet å finne årsak til symptoma, før ein startar behandling. For dette krevest breiddekompetanse i alle aktuelle fag.
- Volda sjukehus har dyktige fagfolk med høg kompetanse på sine fagfelt.
- Den faglege kvaliteten på det kirurgiske tilbodet er god.
- Volda sjukehus er effektivt og driv med låge kostnader.
- Vaktordningane i Volda har lågast kostnad av alle sjukehusa i Helse Midt.
- Fjerning av akutt-kirurgi i Volda vil medføre lengre reiseveg -med ferje- for alle pasientar på Søre med store eller små akutte kirurgiske problem
- Kvaliteten på gjenverande tilbod ( t.d indremedisin) i Volda vil bli dårlegare.
- Rekrutteringa av legar og andre fagfolk vil bli sterkt svekka, og innanfor kirurgi, ortopedi og anestesi vil det bli nærast uråd å få tak i legespesialistar. Dette er erfaringa ein har gjort på andre sjukehus med fjerna akutt-funksjon, t.d på Nordfjordeid.
- Nedlegging av akutt-kirurgien vil såleis vere første steg mot nedlegging av Volda sjukehus. Fagmiljøet vil forvitre og sjukehuset vil rotne på rot.
- Dersom ein fjernar akutt-kirurgien i Volda, vil dette medføre auka oppgåver for Ålesund sjukehus. Dette vil auke kostnadene til drift og kreve kostbar ombygging.
- Både faglege og økonomiske argument talar for å bevare Volda sjukehus som fullverdig akuttsjukehus.
Politiske argument
- Det må vere ein samanheng mellom samfunnssektorane. Eiksundsambandet har gjeve ferjefri veg mellom ytre og indre Søre Sunnmøre. Dette har store positive samfunsmessige konsekvensar, og vi har no felles bustad og arbeidsmarknad. I tillegg til ferjefri veg til akuttsjukehuset i Volda. Helseføretaka kan ikkje neglisjere dette.
- Når Kvivsvegen kjem om to år, vil heile nordsida av Nordfjorden få ferjefri tilknyting til Søre Sunnmøre. Det vil bli skapt ein ny stor region med tett på 70.000 innbyggjarar.
- Prosessen med nedlegging av akuttkirurgi og nedbygging av lokalsjukehusa er den største endringa i sjukehusstrukturen på meir enn femti år. At dette ikkje skal drøftast og avgjerast i politiske fora er eit stort demokratiproblem.
- Dette kan vi som innbyggjarar ikkje finne oss i!
Design og utforming: www.eirikgilje.com